Мягмар гаригийн орой Лос-Анжелес хотноо болсон “Тоглоомын түүх 5” киноны дэлхийн нээлтэд нэрт дуучин Тейлор Свифт гэнэтийн бэлэг барин хүрэлцэн ирээд зогсохгүй, кино гарч дууссаны дараа үзэгчдэд уран бүтээлээ толилуулжээ.
Т.Свифт тайзнаа гарч төгөлдөр хуур тоглон “Тоглоомын түүх 5” киноны дуу болох “I Knew It, I Knew You” хэмээх шинэ дуугаа дуулжээ. “Энэхүү анимейшн цувралын өчүүхэн нэг хэсэг болж байгаа нь миний хувьд нэрийн төрийн хэрэг юм” хэмээн Т.Свифт үзэгчдэд хандан хэлсэн байна.
Үзэгчдийн хайр хүндэтгэлийг хүлээсэн цуврал анимэйшний тавдугаар ангид Бонни охиныг “Lilypad” хэмээх шинэ ухаалаг таблетаас нь аврахаар Вүүди, Базз хоёр дахин нэгдэж буй тухай өгүүлдэг. “Тоглоомын түүх” цувралын тавдугаар анги өнөөдрөөс эхлэн кинотеатруудаар гарч байгаа юм.
