Агаарын бохирдлыг бууруулах Үндэсний хороо хуралдаж, ирэх өвөл хагас коксон түлш нийлүүлэхээр шийдвэрлэлээ

2026/05/26

Агаарын бохирдлыг бууруулах Үндэсний хорооны 2026 оны анхдугаар хуралдаан энэ сарын 25-нд боллоо.

Хуралдаанаар Үндэсний хорооны дэргэдэх Эрдэмтдийн зөвлөлийн 2025 оны зөвлөмжийн хэрэгжилт, цаашид авах арга хэмжээ, Багануурын үйлдвэр технологийн парк ХК-ийн “Нүүрс-химийн үйлдвэр” төсөл, 2026-2027 оны халаалтын улиралд Улаанбаатар хотын агаарын бохирдлыг бууруулах чиглэлээр хэрэгжүүлэх арга хэмжээний талаар хэлэлцэв.

Байгаль орчин, уур амьсгалын өөрчлөлтийн сайд, Үндэсний хорооны дэд дарга Ц.Сандаг-Очир Монгол Улс хатуу түлшний хэрэглээг үе шаттай бууруулж, 2030 он гэхэд цэвэр эрчим хүчний эх үүсвэрт шилжих зорилт тавин ажиллаж байгааг онцлов. Энэхүү зорилт нь “Алсын хараа-2050” Монгол Улсын урт хугацааны хөгжлийн бодлого, Тогтвортой хөгжлийн зорилт-2030, Парисын хэлэлцээрийн хүрээнд хүлээсэн үүрэг, амлалттай уялдаж байгааг тэмдэглэлээ.

Мөн зөвхөн Улаанбаатар хот бус орон нутгийн агаар, орчны бохирдлыг бууруулах асуудлыг урт хугацааны бодлогын хүрээнд авч үзэх шаардлагатайг дурдаж, өвөлжилтийн бэлтгэлийг эртнээс төлөвлөж, хэрэгжилтийг хангах нь чухлыг тодотгов.

Үндэсний хорооны дэргэдэх Эрдэмтдийн зөвлөлийн дарга, ШУТИС-ийн Дулаан техник, үйлдвэрлэлийн экологийн хүрээлэнгийн захирал, академич Х.Энхжаргал мэдээлэл хийж, дулааны эх үүсвэрийг нэмэгдүүлснээр 2026 оны мөн үеийн агаарын бохирдол 2025 оны мөн үеийнхтэй харьцуулахад 30 орчим хувиар буурсан талаар танилцуулав.

Шахмал түлш, түүний түүхий эдийг дотоодын эх үүсвэрээр хангах боломжийг судлах, туршилтын хэрэглээг үнэлэх, шаардлагатай тохиолдолд Засгийн газрын шийдвэр гаргуулах, Цаг уур, орчны шинжилгээний газрын агаарын чанарын хяналт-шинжилгээний автомат станцуудын тоог нэмэгдүүлэх зэрэг арга хэмжээг хэрэгжүүлэх шаардлагатайг зөвлөмж болголоо.

“Багануурын үйлдвэр технологийн парк” ХК-ийн зохицуулагч Б.Чойжил “Нүүрс-химийн үйлдвэр” төслийн явц, нөхцөл байдлын талаар танилцуулав. Төслийн хүрээнд Багануурын хүрэн нүүрсийг бага температурын битүү халаалтын технологиор боловсруулж, агаарын бохирдлыг бууруулах боломжтойг танилцууллаа.

Үйлдвэр ашиглалтад орсноор гэр хорооллын зуухнаас ялгарах агаарын бохирдлыг 50-60 хувиар бууруулах, импортын сайжруулсан түлшний өртгийг дотоодын үйлдвэрлэлээр бууруулах боломж бүрдэх талаар мэдээлэв.

Хуралдаанаар 2025-2026 оны халаалтын улиралд хэрэгжүүлсэн хагас коксон түлшний хэрэглээ тодорхой үр дүн үзүүлсэн гэж дүгнэж, 2026-2027 оны өвлийн улиралд уг түлшийг хэрэглээнд дахин нийлүүлэхээр шийдвэрлэлээ.

Үүнтэй холбогдуулан шаардлагатай арга хэмжээг хууль тогтоомжид нийцүүлэн зохион байгуулахыг Нийслэлийн Засаг даргын Тамгын газар болон “Тавантолгой түлш” ХХК-д үүрэг болгов.

iСанал болгох

Оросын ард түмний сөрөн тэсвэрлэх чадвар

“Гүтгэх” гэмт хэргийг хуульчилбал дарга нар л хамгаалагдана

Э.Бат-Үүл: Нийслэлийн бүх хариуцлагыг Н.Учралаас нэхэх ёстой

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

iРедакцийн сонголт

Улстөрчдийн “зодооны цус” хууль хяналтын байгууллагууд руу “үсрэх” ёсгүй!

iШинэ мэдээ

А.Баатархуяг: Дараагийн Ерөнхийлөгч С.Баярцогт байх магадлалтай саяхан Буйр нуурт Халхын голын байлдааны үеэр живсэн онгоц, техникийг эрэн хайх ажиллагаа явууллаа 43 мин Бэлчээрийн ургамлын ургалт нийт нутгийн 20 гаруй хувьд сайн байна 45 мин ХХААХҮ-ийн сайд Ц.Идэрбат Дархан-Уул аймагт ажиллалаа 47 мин 21-р хорооллоос Баянхошууны уулзвар хүртэлх авто замыг түр хаана 48 мин Италийн хоккейн шигшээ баг дээд дивизионоос хасагдлаа 48 мин Иран улс олон улсын интернэтийн сүлжээг сэргээнэ 49 мин Норвегийн шигшээ баг Чехийг хожиж, шөвгийн наймд шалгарлаа 50 мин Европ тивд хэт халж, агаарын хэм түүхэн дээд хэмжээнд хүрлээ 51 мин Өнөөдөр зарим нутгаар цас орж, шороон шуурга шуурна 52 мин Агаарын бохирдлыг бууруулах Үндэсний хороо хуралдаж, ирэх өвөл хагас коксон түлш нийлүүлэхээр шийдвэрлэлээ 53 мин Дархлаажуулалтын 10 хоногийн аян улс орон даяар эхэллээ 53 мин УИХ-ын дарга С.Бямбацогт Европын Холбооны Элчин сайд нартай уулзлаа 54 мин АНУ болон Иран улс Ормузын хоолойг нээх хэлэлцээрт хүрчээ 55 мин Европын хөрөнгө оруулалтын банкнаас ойн салбарт 100 сая еврогийн зээл олгохыг хэлэлцлээ 13 цаг 43 мин НҮБ-ын Цөлжилттэй тэмцэх конвенцын хурлын талбайн тохижилт 78 хувьтай байна 13 цаг 45 мин Нийслэлийн Засаг даргад П.Пүрэвдагвыг дэмжлээ 13 цаг 46 мин ХЗДХ-ийн сайд хүүхдийн зусланд гэмт хэргээс урьдчилан сэргийлэх сургалт орохыг үүрэг болголоо 13 цаг 47 мин Авлига, албан тушаал болон хар тамхины хэргүүдийг шүүхэд шилжүүллээ 13 цаг 48 мин УИХ-ын Хүний эрхийн дэд хороо хүүхэд хамгаалал болон хорих ангийн нөхцөл байдлыг хэлэлцлээ 13 цаг 49 мин

iИх уншсан

Ард иргэдээ “ялаа” гэдэг нөхөд намын даргаа “бацаан аа” гэх ... Нийслэлийг удирдах хүн сайн “намчин” биш, сайн менежер байх ... Х.Баттулгын Д.Ганзориг явж, У.Хүрэлсүхийн Ч.Хосбаяр Ерөнхий ... Монгол улсын анхны маркуудыг марзан Шарав зурсан нь үнэн үү ... М.Тулгат: Ерөнхийлөгчийн сонгуульд хоёр том нам тохирвол гүй... Э.Бат-Үүл: Нийслэлийн бүх хариуцлагыг улаанбаатарчууд Н.Учра... Парламент өөрсдийнхөө тухай хуулийг хэлэлцэж эхэллээ Улс төрийн зарим үйл явдлын талаарх тамхины цэгийн тайлбар м... Улстөрчдийн “зодооны цус” хууль хяналтын байгууллагууд руу “... Улаанбаатар марафон 2026-ын үеэр зам хаах мэдээлэл Өрхийн сарын дундаж орлого 2.9 сая, зарлага 2.8 сая төгрөгт ... Их Британи Оросын газрын тосоор үйлдвэрлэсэн түлш импортлохы... Нөөцийн махны борлуулалтаас 1.3 тэрбум төгрөгийн авлага үүсж... В.Путин, Ши Жиньпин нар иж бүрэн түншлэлийг бэхжүүлэх тухай ... Нью-Йоркчууд хөл бөмбөгийн ДАШТ-ий тасалбарыг 50 доллароор а... Криштиану Роналду ДАШТ-д оролцох Португалын шигшээ багт багт... БНСУ, Япон улсууд эрчим хүчний салбарт хамтын ажиллагаагаа ө... “Хасын Хүлэгүүд” баг Азийн аваргуудын лигээс хүрэл медаль хү... Кими Антонелли Формула-1-ийн Канадын Гран-Прид түрүүллээ Лондоны “Арсенал” клуб 22 жилийн дараа Английн аварга боллоо...