Өнөөдрийн байдлаар Увс аймгийн Хархираа, Түргэн гол мөсөн бүрхүүл харзтай, Хариг, Боршоо, Чигж гол халиа тошинтой байна.
Мөн Баруунтуруун, Хангилцаг, Чигж гол нь халиа тошинтой, Увс нуур болон Хяргас нуур битүү мөсөн бүрхүүлтэй байна. Гол, нуурын мөсний зузаан жигд бус, ялангуяа урсгалтай хэсэг, харзтай газар, гүүр орчимд нимгэн байгаа тул мөс цөмрөх эрсдэл их байна. Цаашид цаг агаар дулаарч уулын орой, энгэр, гуу, жалгын цас хайлснаар голын сайр, жалгаар шар усны үер үүсэх магадлалтай тул малчид голын эрэг, хөвөөнөөс хол нүүдэллэх, суурьших, жолооч нар баталгаатай гүүр, гармаар зорчихыг аймгийн УЦУОШТ-өөс анхаарууллаа.
Мөсөн дээгүүр явганаар болон тээврийн хэрэгсэлтэй зорчихгүй байх, мөсөн дээр тоглох, загасчлахгүй байх, усны бартаатай газар болон урсгалтай хэсэгт ойртохгүй байх, авто машинаар дрифт хийхгүй, хурд хэтрүүлэхгүй байхыг сануулж байна.
