Ойрын өдрүүдэд Завхан аймгийн ихэнх нутгаар салхи секундэд 7-12 метр, түр зуур 16-18 метр, зарим газраар 20 метрээс давж ширүүсэхийг Ус, цаг уур, орчны шинжилгээний төвөөс анхаарууллаа.

Иймд малчид, иргэд, тээвэрчид салхи шуургатай үед иргэд аль болох гэр, орон байрнаасаа гарахгүй байх, хүүхдийг хараа хяналтгүй орхихгүй байх, малыг ойрын бэлчээрт хариулах. Зайлшгүй аян замд гарахгүй тохиолдолд авто машины бүрэн бүтэн байдлыг шалгаж, шатахууны нөөц бүрдүүлэхийг зөвлөж байна.

Өнөөдрийн 16.00 цагийн ажиглалтын мэдээгээр Тосонцэнгэл, Яруу сумын нутгаар хур тунадас орж байгаа бөгөөд нийт сумын хэмжээнд салхи секундэд 8-16 метр, түр зуур 12-20 метр хүрч ширүүсэж, салхи шуургатай байна.

Дөрөвдүгээр сарын 2-ны 20.00 цагаас 3-ны 20.00 цаг хүртэлх хугацаанд Завхан аймгийн нутгаар солигдмол үүлтэй, цас орохгүй. Салхи баруун болон баруун хойноос секундэд 7-12 метр, түр зуур 16-18 метр хүрч ширүүснэ.

Хангайн уулархаг нутгаар шөнөдөө -8...-13 градус, өдөртөө +4...+9 градус, говь, талын нутгаар шөнөдөө 0...-5 градус, өдөртөө +10...+15 градус, бусад нутгаар шөнөдөө -3...-8 градус, өдөртөө +7...+12 градус дулаан байна.