09:30 цагт: “Хөрөнгө оруулалт, худалдааны газрын нэрэмжит 7 хоног”-ийн хүрээнд "Худалдаа болон бизнесийн салбар" үйл ажиллагаа Хөрөнгө оруулагчийн эрх ашгийг хамгаалах төвд болно.
10:00 цагт: “Монголын үндэсний шагайн харваа: Түүх, соёл, уламжлал, ирээдүй” эрдэм шинжилгээний хурал ШУА-ийн Түүх, угсаатны зүйн хүрээлэнгийн хурлын танхимд болно.
11:00 цагт: Сумын цолтон болон залуу бөхчүүдийн ээлжит барилдаан Монгол бөхийн өргөөнд болно.
12:00 цагт: Төсвийн тогтвортой байдлын зөвлөлөөс макро эдийн засгийн үндсэн үзүүлэлт, төлөв байдлын таамаглалын талаар Төрийн ордны “Үндсэн хууль” танхимд хэвлэлийн хурал хийнэ.
12:00 цагт: “Бид өвлөн дуулна” ардын богино дуу дуулаачдын өсвөрийн олон улсын анхдугаар уралдааныг зохион байгуулж буй талаар Үндэсний мэдээллийн төвд мэдээлнэ.
12:30 цагт: Баянзүрх дүүргийн ИТХ дахь Ардчилсан намын бүлэг, Ардчилсан намын төлөөлөгчид болон намын гишүүд БЗД-ийн төсвийн тодотголтой холбоотой асуудлаар Үндэсний мэдээллийн төвд мэдээлнэ.
-“Tourism week-2026” үндэсний чуулганы хүрээнд аялал жуулчлалын ажлын байр, бизнес хамтын ажиллагааны өдөрлөг болно.
-"Өнө мөнхийн Монгол" байгаль хамгааллын байнгын санхүүжилтийн хөтөлбөрийн хүрээнд “Тусгай хамгаалалттай газар нутгийн хурдасгуур” хөтөлбөрийг зарлаж, уулзалтыг энэ сарын 13-ны өдөр цахимаар зохион байгуулна.
-"Хаан" галерей 2026-2027 оны үзэсгэлэнгийн сонгон шалгаруулалтын материалыг энэ сарын 30-ныг хүртэл хүлээн авна.
Үзэсгэлэн:
-Уран бүтээлч Б. Мартын анхны бие даасан "8-ны цэцэгс" үзэсгэлэн “Норпэй арт галерей”-д энэ сарын 13-ныг хүртэл гарна.
-МУЭ-ийн гишүүн зураач МУСТА Л.Даваанямын “Хүн цэцэг” бие даасан үзэсгэлэн “Hue art gallery”-д энэ сарын 14-нийг хүртэл гарна.
-“Монгол төрийн мэргэн сайд Агданбуугийн Амар-140 жил” үзэсгэлэн Монголын Үндэсний музейд энэ сарын 15-ныг хүртэл олон нийтэд хүрнэ.
-Төрийн шагналт, МУЭ-ийн нэрэмжит шагналт зураач Ц.Цэгмэдийн “Үлэмжийн чанар” уран бүтээлийн үзэсгэлэн Монгол арт галерейд энэ сарын 16-ныг хүртэл гарна.
-“Бүхэл” эмэгтэй уран бүтээлчдийн хамтарсан үзэсгэлэн МУЭ-ийн “Арт галерей”-д энэ сарын 16-ныг хүртэл гарна.
-“Нэг өдрийн Цагаан дара эх” үзэсгэлэн Богд хааны ордон музейд энэ сарын 16-ныг хүртэл гарна.
Хилийн чанадад:
-Япон улсын Токио хотноо хоол хүнс, ундааны олон улсын "Foodex Japan 2026" үзэсгэлэнг энэ сарын 13-ныг хүртэл зохион байгуулна.
-Хятадын нийслэл Бээжин хотноо ухаалаг хот төлөвлөлт, нийтийн тээврийн асуудлаарх “SCEPT 2026” олон улсын бага хурал болно.
-Испанийн Саламанка хотноо кибер аюулгүй байдал, хиймэл оюун, дижитал эдийн засгийн асуудлаарх “CSAIDE 2026” олон улсын бага хурал болно.
-Италийн Турин хотын Дорно дахины урлагийн музейд “Занабазар: Тал нутгийн мэлмий” сэдэвт үзэсгэлэнг дөрөвдүгээр сарын 7-ныг хүртэл олон нийтэд толилуулна.
