Поп од Бритни Спирс өөрийн бүх дууны каталогийн эрхийг борлуулсан талаар BBC мэдээллээ.

Өдгөө 44 настай дуучин өөрийн бүтээлүүдийн эрхийг бие даасан хөгжмийн хэвлэл болох Primary Wave компанид шилжүүлсэн байна. Уг хэлцлийн үнийн дүнг 200 сая ам.доллароор үнэлж байгаа ч Primary Wave болон Спирсийн төлөөлөгчдийн зүгээс одоогоор албан ёсны тайлбар өгөхөөс татгалзжээ.

Бритни Спирс 2024 оны 1-р сард "хөгжмийн салбарт дахин хэзээ ч эргэж ирэхгүй" гэдгээ зарласан юм. Түүний хамгийн сүүлийн уран бүтээл нь 2022 онд Элтон Жонтой хамтран гаргасан "Hold Me Closer" дуу байлаа. Энэхүү дуу нь түүний амьдрал, хөрөнгийг 13 жилийн турш хянасан эцгийнх нь асрамжийг шүүхийн шийдвэрээр цуцалснаас нэг жилийн дараа олны хүртээл болсон юм.

Дуучны хөгжмийн каталог нь 1999 оноос хойш гаргасан студийн 9 цомгоос бүрддэг. Түүний дэлхийн хэмжээний хит болсон бүтээлүүдээс дурдвал:

• ...Baby One More Time

• Oops!... I Did It Again

• Toxic

• Womanizer

• I’m Not a Girl, Not Yet a Woman

Primary Wave компани нь өмнө нь The Notorious B.I.G., Принс, Уитни Хьюстон зэрэг домогт уран бүтээлчдийн эрхийг худалдан авч байсан туршлагатай. Тус компанийг 20 жилийн өмнө Лоренс Местел үндэслэн байгуулж, Nirvana хамтлагийн Курт Кобейны хөгжмийн эрхийг авснаар бизнесээ эхлүүлж байжээ.

Эх сурвалж: Office Life