Баянзүрх дүүргийн 21 дүгээр хороонд байрлах “Очир” төв зочид буудалд 13 настай охин М-ийг хүчээр архи уулгаж, хордуулан, онц хэрцгийгээр хүчирхийлж амийг насыг нь хөнөөсөн этгээдүүд болох Д.Жавхлан, М.Амарболд нарт шүүхээс бүх насаар хорих ял оноосон билээ.
Харин Д.Жавхлан, М.Амарболд нар анхан шатны шүүхийн шийдвэрийг эсэргүүцэж давж заалдахаар болсон байна.
Эх сурвалжийн мэдээлж буйгаар, 13 настай охины амийг хохироосон этгээдүүдийн хүсэлтийн дагуу давж заалдах шатны шүүх рүү энэ долоо хоногт шилжиж, Цагаан сарын өмнө эсвэл хойно шүүх хурал болж магадгүй гэнэ. Шүүх хурлын дараахан талийгаач охины аав Т.Лхагвасүрэн бие нь муудаж СЭМҮТ-д эмчилгээ хийлгэж байгаад гарсан гэв.
