Хятадын эрх баригчид Тайванийн Дотоод хэргийн сайд Лю Шифан, Боловсролын сайд Чэн Инъяо нарт хориг арга хэмжээ авсан тухай Хятадын Төрийн зөвлөлийн Тайванийн хэрэг эрхлэх газрын төлөөлөгч Чэнь Биньхуа мэдэгдсэн байна.
“Одоо хүчин төгөлдөр мөрдөгдөж буй хууль, дүрэм журмын дагуу Хятадын эх газрын засгийн газар Лю Шифан, Чэн Инъяо нарыг Тайванийн тусгаар тогтнолыг дэмжигчдийн жагсаалтад оруулж, тэдэнд хориг арга хэмжээ авахаар шийдвэрлэлээ” гэж тэрбээр ээлжит хэвлэлийн хурлын үеэр мэдэгджээ.
Ингэснээр Лю Шифан, Чэн Инъяо болон тэдний төрөл төрөгсөд Хятадын эх газар болон тус улсын засаг захиргааны тусгай бүсүүд болох Хонконг, Макаод зорчих эрхгүй болсон байна. Мөн тэдэнтэй холбоотой байгууллагууд, хүмүүстэй хамтран ажиллахад хязгаарлалт тогтоожээ.
“Тэдэнтэй хамаарал бүхий аж ахуйн нэгж, санхүүгийн дэмжигчид Хятадын эх газрын нутаг дэвсгэрт ашиг олох эрхгүй. Хоригийг зөрчсөн тохиолдолд шийтгэлийн зохих арга хэмжээг авна” гэж Чэнь Биньхуа хэлжээ.
Эх сурвалж: TASS
