Apple компанид сүүлийн арван жилд байгаагүй хэмжээний удирдах түвшний кадрын шилжилт хөдөлгөөн өрнөж, хэд хэдэн топ-менежер компаниасаа гарсан талаар Bloomberg мэдээллээ. Тэдний ихэнх нь Meta руу ажиллах санал хүлээн авсан нь тодорхой болсон байна.

Цахиурын хөндийд тогтвортой байдлын жишиг гэгдэж ирсэн Apple компани өнгөрсөн хоногуудад хиймэл оюун, хэрэглэгчийн интерфейс хариуцсан удирдагчид, төрийн байгууллагуудтай харилцах албаны дарга, хуулийн зөвлөхүүд зэрэг гол мэргэжилтнүүдээ алджээ. Эдгээр удирдлагууд бүгд гүйцэтгэх захирал Тим Кукийн багт харьяалагддаг байсан юм.

Интерфейсийн дизайны салбарын захирал Meta-д ажиллахаар явсан бол Apple саяхан ажлаас гарсан өөрийн хуулийн зөвлөхийн оронд Meta-ийн хуульчдыг урьж ажилд авсан байна. Үүнтэй зэрэгцэн аппаратын технологи хариуцсан дэд ерөнхийлөгч, компанийн гол удирдагчдын нэг Жонни Сроужи ч компаниас явах боломжийг судалж буй тухай эх сурвалцууд мэдээлжээ.

Мөн Meta болон OpenAI компаниуд Apple-ийн хиймэл оюун болон холбогдох инженерийн багийн мэргэжилтнүүдийг идэвхтэй урвуулах ажил явуулж байгаа нь нөхцөл байдлыг улам хурцатгаж байгаа аж.

Эх сурвалж: Officelife