Олон улсын хөлбөмбөгийн холбоо (ФИФА) АНУ-ын Ерөнхийлөгч Дональд Трампт шинээр бий болгосон “Энх тайвны шагнал”-аа гардуулсан тухай The Guardian мэдээллээ. Шагналыг 2026 оны хөлбөмбөгийн дэлхийн аваргын шигшээ тоглолтуудын шодолт явагдах үеэр Вашингтонд гардуулсан байна.

Шагналыг ФИФА-гийн Ерөнхийлөгч Жанни Инфантино өөрөө Трампт өгчээ. ФИФА энэхүү шагналыг “энх тайвны төлөө онцгой хувь нэмэр оруулсан хүмүүсийг алдаршуулах” зорилготой хэмээн мэдэгдсэн бөгөөд Нобелийн энх тайвны шагналыг Венесуэлийн сөрөг хүчний төлөөлөгч Мария Корина Мачадод олгосноос сарын дараа ийнхүү шинэ шагнал бий болгосон байна.

Сүүлийн жилүүдэд Израиль, Украин зэрэг бүс нутагт энх тайван тогтоох оролдлогынх нь төлөө Трамп Нобелийн шагналд нэр дэвших боломжтой гэх таамаг их гарч байсан билээ.

ФИФА-гийн шагнал нь дөрвөн гарын сарвууг натураль хэмжээгээр бүтээж, тэдний хурууны үзүүр дээр бөмбөрцгийг байрлуулсан өвөрмөц загвартай. Гэвч уг шагналыг зарим шинжээчид нэр дэвших, үнэлэх, шүүгчдийн ил тод процессгүй хэмээн шүүмжилж байгаа ажээ.

Эх сурвалж: Officelife