"Намрын угалз-2025" ардын бүжиг, бий биелгээний уралдаанд "Нарны домог" 2, 3, 4, 5 хамтлагийн хүүхдүүд 8 цомын эзэн болжээ.

Орхон аймагт зохион байгуулсан “Намрын угалз-2025” бүжгийн уралдаанд Сэлэнгэ, Орхон, Дархан, Булган, Хөвсгөл аймгийн 500 гаруй авьяаслаг хүүхэд багачууд ардын бүжиг, бий биелгээ сонгодог бүжгийн төрлөөр 4 насны ангилалд өрсөлдсөн байна.

Уг уралдаанд Сэлэнгэ аймгийн Мандал сумын АДБ-ийн “Мөнгөн Хараа” чуулгын дэргэдэх “Нарны домог” 2, 3, 4, 5 хамтлагийн хүүхдүүд нийт 8 цомын эзнээр тодорчээ.

Уралдааны 1-4 ангийн Ардын гоцлол бүжгийн төрөлд Ө.Анхилуун алтан медаль, Б.Гэгээ тусгай байр, мөн насны Ардын бүжгийн хамтлагийн төрөлд “Нарны домог” 4 хамтлаг мөнгөн цом хүртжээ.

Мөн уралдааны Ардын гоцлол бүжгийн 5-8 ангийн төрөлд М.Маргад алтан цом, У.Мичидмаа мөнгөн цом, Б.Энх-од хүрэл цом тус тус хүртсэн байна.

Ардын бүжгийн хамтлаг төрөлд “Нарны домог” 3 хамтлаг мөнгөн цом, Ардын гоцлол бүжигт Д.Энхжин алтан цом, Г.Сарангуа мөнгөн цом, Сонгодог бүжгийн гоцлолд У.Мичидмаа, Г.Сарангуа нар тус тус хүрэл медаль хүртэж, хамтлагийн багш Д.Солонго шилдэг багшийн шагнал авсан байна.