2025 оны арваннэгдүгээр сарын гуравнаас есний хооронд нийслэлийн долоон дүүрэг, 15 аймгийн 28 суманд нийт 84 удаагийн аюулт үзэгдэл, ослын дуудлага бүртгэгджээ. Дуудлагын дагуу төв болон орон нутгийн Онцгой байдлын байгууллагын алба хаагчид шуурхай үүрэг гүйцэтгэж, дөрвөн иргэний амь насыг авран хамгаалж, утаажилтын бүсээс 70 иргэнийг гарган аюулгүй байдлыг хангаж ажилласан байна.
Бүртгэгдсэн дуудлагын дийлэнх буюу 68 нь объектын гал түймрийн дуудлага байсан бол нэг нь газар хөдлөлт, нэг нь биологийн гаралтай аюулт үзэгдэл, хоёр нь хүчтэй салхи шуурганы, 12 нь хүний үйл ажиллагаатай холбоотой ослын дуудлага байжээ.

Эх сурвалж: ОБЕГ