Урьд өмнө тохиож байгаагүй ган ганчиг нүүрлэсний улмаас Ираны нийслэл Техран хотын оршин суугчдын ундны усны гол эх үүсвэр нь хоёр долоо хоногийн дотор ширгэж магадгүй байгаа тухай тус хотын усан хангамжийн компанийн захирал мэдээлжээ.
“Техраныг ундны усаар хангадаг таван усан сангийн нэг болох Амир-Кабирын далан 8 хувиар (14 сая шоо метр) дүүрэн байна. Жилийн өмнө энэ хэмжээ 86 сая шоо метрт хүрч байсан бол сүүлийн жилүүдэд бүс нутагт борооны хэмжээ 100 хувиар багассан” гэж тэрбээр хэлсэн байна.
Түүний хэлснээр, усны түвшин ийм байгаа тохиолдолд усан сан хоёр долоо хоногийн турш Техраны ундны усны хэрэглээг хангах боломжтой гэжээ. Ираны хэвлэлүүдэд мэдээлснээр, Техраны хүн ам өдөрт 3 сая орчим шоо метр ус хэрэглэдэг байна. Нөхцөл байдлыг тогтворжуулахын тулд зарим дүүргийн усны хангамжийг түр зогсоожээ.
Иранд сүүлийн хэдэн арван жилийн хугацаанд болж байгаагүй их ган гачиг нүүрлээд байгаа тухай "Al Jazeera" суваг мэдээлсэн байна.
Техраны усан хангамжтай холбоотой асуудал хүнд байгаа талаар Ираны Ерөнхийлөгч Масуд Пезешкиан өмнө нь мэдэгдэж байсан юм. Тэрбээр Ираны сэтгүүлчидтэй уулзахдаа, Талекан далангийн усан сангаас Техранд ус нийлүүлэх ажлыг эхлүүлж, намрын хэрэглээг хангах арга хэмжээг авч байгааг танилцуулжээ.
Эх сурвалж: Al Jazeera
