НҮБ-ын уур амьсгалын асуудлаарх COP30 бага хурал ирэх сард Бразилд болох гэж байгаа энэ үед улс орнууд 2015 оны Парисын хэлэлцээрийн дагуу тодорхойлсон уур амьсгалын зорилтуудаа шинэчлэн хянан нягталж байна.
НҮБ-аас гаргасан шинэ тайланд, улс орнууд есдүгээр сарын сүүлчээр ирүүлсэн уур амьсгалын үйл ажиллагааны төлөвлөгөөнд үндэслэн тооцоход, хэрэв эдгээрийг бүрэн хэрэгжүүлбэл дэлхийн хүлэмжийн хийн ялгарал 2035 он гэхэд 17 хувиар буурах боломжтой гэж дүгнэжээ.
Гэсэн хэдий ч Япон, Бразил зэрэг улс зорилтоо шинэчлэн ирүүлсэн ч Хятад, Европын Холбоо зэрэг гол ялгаруулагч орнуудын мэдээлэл ороогүй байгаа тул уг тооцоо нь дэлхийн нийт ялгарлын 30 орчим хувийг л хамарч байна. АНУ-ын зорилт мөн тодорхой бус байгаа бөгөөд Ерөнхийлөгч Дональд Трамп ирэх онд тус улсыг Парисын хэлэлцээрээс гаргах бодолтой байгаагаа мэдэгдсэн юм.
НҮБ-ын уур амьсгалын нарийн бичгийн дарга Саймон Стиелл “Хүн төрөлхтөн анх удаа ялгарлын муруйг доошлуулж чадсан нь эерэг үзүүлэлт боловч уур амьсгалын өөрчлөлттэй тэмцэх үйл явц хангалттай хурдан биш байна. Тиймээс дэлхий нийт энэ хурдыг яаралтай нэмэгдүүлэх шаардлагатай” гэж мэдэгджээ.
Эх сурвалж: NHK
