Тэрбум мод” үндэсний хөдөлгөөний хүрээнд Сүхбаатар аймгийн соёл амралтын хүрээлэнгийн хамгаалах зурвасын дагуу хоёр жилийн хугацаанд 20 мянга гаруй мод тарьсан бөгөөд ургалтын дүн 93.4–97.2 хувьтай гарч, сайн гэж дүгнэжээ.
Мод тарилтад орон нутгийн мод үржүүлгийн байгууллагууд, нөхөрлөлүүд хамтран оролцож, газрын хөрсний онцлог болон цаг уурт дасан зохицох чадвараар нь дан хайлаас мод тарьсан байна.
Мөн Сүхбаатар соёл амралтын хүрээлэнгийн харьяа “Талын наран” цэцэрлэгт хүрээлэнд ногоон байгууламжийг нэмэгдүүлэх зорилгоор энэ онд 32 шилмүүст мод шинээр тарьж, өмнө нь тарьсан 2500 хайлаасыг шинэ талбайд шилжүүлэн суулгажээ.
Түүнчлэн БНХАУ-ын Замын-Үүдэд суугаа Ерөнхий консул Кэ Юушэн тэргүүтэй төлөөлөгчид энэ оны хаврын мод тарилтад 50 мянган юанийн санхүүгийн дэмжлэг үзүүлсэн бөгөөд уг хөрөнгөөр голт бор, улиас, агч, гүйлс, буйлс, өрөл, шинэс, жигд зэрэг найман төрлийн 800 мод шинээр тарьсан байна.
Эх сурвалж: Сүхбаатар аймгийн Байгаль орчны газар
