TASS агентлагийн мэдээлснээр, Японы Ерөнхий сайд Такаичи Санаэ болон АНУ-ын Ерөнхийлөгч Дональд Трамп хоёр орны “харилцааны шинэ алтан эрин үе”-ийн тухай хэлэлцээр болон стратегийн ач холбогдол бүхий эрдэс баялгийн салбарт хамтран ажиллах тухай санамж бичигт гарын үсэг зурсан байна. Ёслолын ажиллагааг Японы олон нийтийн телевизээр шууд дамжуулжээ.

АНУ-ын Ерөнхийлөгч Дональд Трамп Японд гурван өдрийн албан ёсны айлчлал хийж байгаа бөгөөд даваа гарагийн орой тус улсад хүрэлцэн ирсний дараа эзэн хаан Нарухитотой уулзсан байна.

Харин өнөөдөр буюу мягмар гарагт Токио хотноо Ерөнхий сайд Такаичи Санаэтай албан ёсны хэлэлцээ хийсэн бөгөөд энэ нь түүний аравдугаар сарын хорин нэгэнд Ерөнхий сайдын албан тушаалдаа томилогдсоноос хойш Цагаан ордны тэргүүнтэй хийсэн анхны уулзалт болж байна.

Дональд Трамп хоёр дахь бүрэн эрхийнхээ хугацаанд Японд анх удаа айлчилж байгаа бөгөөд өмнө нь тус улсад дөрвөн удаа айлчилж байсан бөгөөд хамгийн сүүлийнх нь 2019 онд болсон юм.

Эх сурвалж: TASS