The Times сонинд мэдээлснээр, Хятад улсын тагнуулын байгууллагууд Америкийн компаниудын нууцад нэвтрэхийн тулд “сексуаль дайн” хэмээх аргыг өргөн ашиглаж байгаа аж. Хятадын залуу эмэгтэйчүүд LinkedIn сүлжээгээр дамжуулан өндөр түвшний мэргэжилтнүүдтэй холбогдож, урт хугацааны хувийн харилцаа тогтоох замаар мэдээлэл олж авч буйг кибер аюулгүй байдлын шинжээчид анхааруулжээ. Зарим нь бүр зорилгоо биелүүлэхийн тулд гэрлэж, нууц ажиллагаагаа олон жилээр үргэлжлүүлдэг байна.
Мөн The Times-ийн мэдээлснээр, Хятадын нууц алба стартапуудын олон улсын уралдаан зохион байгуулж, ялагчдыг үйлдвэрлэлээ Хятадад шилжүүлэх нөхцөлтэйгөөр шагнаж байгаа нь оюуны өмчийн хулгайг нэмэгдүүлж, АНУ-ын эдийн засагт ихээхэн хохирол учруулж буй аж. Орос, хятадын эмэгтэйчүүд америк эрдэмтэдтэй гэрлэх замаар нууц мэдээлэлд хүрэх оролдлого хийж байгаа тухай ч өмнөх дугаарт дурдсан байна.
Нөгөө талаар, Францын цагдаагийн байгууллага Луврын музейд болсон дээрмийн хэрэгт холбогдсон хоёр сэжигтнийг баривчилжээ. Нэгийг нь Шарль-де-Голль нисэх буудалд, нөгөөг нь Сен-Сен-Дени бүсэд саатуулсан байна. Тэдэнд “зохион байгуулалттай хулгай”, “гэмт хэргийн хуйвалдаан” гэсэн хэрэг тулгаж, 96 цагийн хугацаанд хорих шийдвэр гаргажээ. Цагдаагийн мэдээллээр, хэрэгтнүүд дээрмийн үеэр 150 гаруй ул мөр үлдээсэн бөгөөд мөрдөн байцаалтад зуу гаруй мөрдөн байцаагч оролцож байна.
Эх сурвалж: The Times, Iz.ru, Snob.ru, Le Journal du Dimanche.
