Bentley Continental GT автомашины бүрэн хэмжээний модон хуулбар АНУ-д худалдаанд гарсан тухай мэдээллээ. Энэхүү өвөрмөц бүтээл нь дотор, гадна бүхэлдээ модоор бүтээгдсэн бөгөөд зөвхөн акрил шил, төмөр тэнхлэг, рулийн эргэлтийн механизм л мод биш материалаар хийгдсэн байна.
Модон Bentley-г бүтээсэн гар урчууд загварыг маш нарийн хийцтэй болгож, хаалга нь жинхэнэ шигээ нугастай онгойж, рулийн удирдлагын механизмаар хөдөлж чаддаг болгон бүтээжээ. Харах самбар, интерьертэй холбоотой жижиг деталь бүрийг нямбай хуулбарлаж, жинхэнэ автомашинтай дөхүүлэхийг зорьсон байна.
Хэдий хэмжээс нь яг миллиметрийн нарийвчлалтай биш ч мэргэжилтнүүдийн үзэж буйгаар хийцийн чанар нь маш өндөр түвшинд хүрсэн аж. Тус бүтээлийн жин 907 кг бөгөөд эзэд нь үүнийг жинхэнэ Bentley шиг $100 мянган ам.доллараар борлуулах зорилготой байгаа гэжээ.
Эх сурвалж: Auto Sport Florida, OfficeLife.media
