Газын зурваст өгсөн агаарын цохилтын үеэр ХАМАС бүлэглэлийн цэргийн жигүүрийн хэвлэлийн төлөөлөгч амь үрэгдсэн гэж Израилын арми мэдэгджээ. Харин уг бүлэглэл одоогоор энэ талаар ямар нэгэн мэдэгдэл хийгээгүй байна.
Израилын цэргийнхэн ням гарагт мэдэгдэхдээ, бямба гарагт өгсөн агаарын цохилтын үеэр Абу Обаидаг устгасан гэжээ. Тэрбээр ХАМАС-ын “олон нийттэй харилцах нүүр царай” болж, “террорист ажиллагааг сурталчлах суртал ухуулга”-ыг түгээж байсан гэж уг мэдэгдэлд дурдсан байна.
Израилын тал Газын зурвас дахь террорист байгууллагуудын эсрэг үйл ажиллагаагаа үргэлжлүүлж, улс орондоо учирч буй аливаа аюул заналыг арилгах болно гэж цэргийнхэн мэдэгджээ. Израилын цэргүүд Газа хот болон ойр орчмын бүсүүд рүү довтолгоогоо үргэлжлүүлсээр байгаа юм.
Тус зурвасын эрүүл мэндийн албаныхны ням гарагт мэдээлснээр, өнгөрсөн 24 цагийн хугацаанд 88 хүн амиа алдсан бөгөөд 2023 оны 10 дугаар сард мөргөлдөөн эхэлснээс хойш амиа алдагсдын тоо 63 459-т хүрсэн байна. Мөн өлсгөлөн, хоол тэжээлийн дутагдлын улмаас 339 хүн амиа алдсаны дунд 120 гаруй хүүхэд байжээ.
Израилын тал тус зурваст цэргийн ажиллагаагаа өргөжүүлж, Газа хотыг хяналтандаа авахаар төлөвлөж байгаатай холбоотойгоор хүмүүнлэгийн байдал улам дордох вий гэсэн болгоомжлол улам нэмэгдэж байна.
Эх сурвалж: NHK
