Цаг уурын байгууллагын мэдээлснээр өнөөдөр 20 цаг хүртэл ихэнх нутгаар солигдмол үүлтэй байх бөгөөд баруун болон төвийн аймгуудын ихэнх хэсэг, зүүн аймгуудын баруун тал, говийн нутгийн хойд хэсгээр бороо, дуу цахилгаантай аадар бороо орох төлөвтэй байна. Мөн зарим газарт мөндөр орж, үерийн аюул үүсэх эрсдэлтэйг онцолжээ.

Салхи нутгийн зүүн өмнөд хэсгээр баруун өмнөөс, бусад нутгаар баруун өмнөөс хойш эргэж секундэд 5-10 метр хүрч, борооны өмнө түр зуур ширүүсэх төлөвтэй байна. Хангай, Хөвсгөлийн уулархаг нутаг, Завхан голын эх болон Идэр, Тэсийн хөндийгөөр +9-+14 градус, Алтай, Хэнтийн уулархаг бүс, Орхон-Сэлэнгийн сав газар болон голын хөндүүдээр +15-+20 градус, говийн өмнөд хэсгээр +26-+31 градус, бусад нутгаар +20-+25 градус дулаан байх аж.

Өвөрхангайн хойд хэсэг, Төв, Сэлэнгэ, Хэнтийн нутгаар өнөөдөр дуу цахилгаантай аадар бороо орж, мөндөр, аянга цахилгаан, үерийн аюулаас сэргийлэхийг онцгойлон анхааруулжээ.

Эх сурвалж: ЦУОШГ