Наймдугаар сарын 21-ний байдлаар Хөвсгөлийн уулсаас эх авдаг Үүр, Хэнтий нурууны баруун хажуугийн Хараа, Ерөө, Туул, Тэрэлж, Шарын гол, Сэлбэ, Улиастай, Хангай нуруунаас эхтэй Хөгшин Орхон, Богд, Таац, Заг зэрэг голуудын усны түвшин өмнөх өдрөөс 5-30 см-ээр нэмэгдсэн байна. Тэрэлж, Сэлбэ, Туул гол Босгын гүүр орчимд олон жилийн дундаж түвшинг 25-30 см давжээ. Мөн Улз гол үерийн аюултай түвшинд хэвээр байгаа аж.

Өнөө өглөөний 08 цагийн мэдээгээр, наймдугаар сарын 22-нд:

• Туул гол Улаанбаатар хот орчимд 35 см

• Хараа гол Дархан хот орчимд 20 см-ээр нэмэгдэх төлөвтэй байна.

Мөн наймдугаар сарын 21-нд төв болон зүүн аймгуудад түр зуурын бороо орох тул дээрх болон Сөгнөгөр, Хурх, Барх, Эг, Балж, Онон, Хэрлэн, Халх, Улз зэрэг голуудын түвшин огцом нэмэгдэх, хуурай сайр, гуу жалгаар уруйн үер буух нөхцөл бүрдэх аюултайг анхаарууллаа.

Иймд гол мөрний эрэг, хөндийд оршин сууж буй айл өрх, аж ахуйн нэгжүүдийг үерийн аюулаас сэрэмжтэй байхыг Цаг уур, орчны шинжилгээний газар онцгойлон анхааруулж байна.

Эх сурвалж: Цаг уур, орчны шинжилгээний газар