АНУ-ын Ерөнхийлөгч Дональд Трамп мягмар гарагт “Fox News” телевизийн “Fox & Friends” ярилцлагад оролцох үеэрээ ОХУ-ын Ерөнхийлөгч Владимир Путин Украины асуудлаар хэлэлцээр хийхийг хүсэхгүй байж болзошгүй гэж мэдэгдэв. Түүний энэ байр суурь нь өмнө нь найдвартайгаар илэрхийлж байсан, найдвар төрүүлсэн мэдэгдлүүдтэй зөрчилдөж байна.

“Үнэнийг хэлэхэд [дайныг зогсооход] би асуудал үүснэ гэж бодохгүй байна. Би Путинийг залхсан гэж бодож байгаа. Тэд бүгд үүнээс залхсан болов уу. Гэхдээ юу болохыг мэдэхгүй” хэмээн Трамп хэлжээ. Тэрбээр ойрын хоёр долоо хоногт Путин хэлэлцээрт бэлэн эсэх нь тодорхой болно гэж онцолсон юм.

Трамп ярилцлагын үеэр Путинийг Олон улсын эрүүгийн шүүхээс дайны гэмт хэрэгт буруутган эрэн сурвалжилж буй ч өөртэй нь “маш сайн харилцаатай” гэдгээ дурдав. Мөн Украины Ерөнхийлөгч Владимир Зеленский уян хатан хандаж, хийх ёстой алхмаа хийнэ гэж найдаж буйгаа илэрхийлсэн байна.

АНУ-ын Ерөнхийлөгч аюулгүй байдлын баталгаа нэрийн дор цэрэг байрлуулахыг үгүйсгэж, Вашингтон өөр хэлбэрийн тусламж үзүүлэх боломжтой гэж хэлжээ. Гэсэн ч тэр энхийг сахиулагчийн дүрээр дуугарч байгаа боловч Оросын тал Украинд пуужин, нисгэгчгүй онгоцны довтолгоогоо тасралтгүй хийсээр, энгийн иргэдийг хөнөөж, дэд бүтцийг нь устгасаар байгааг тэмдэглэв.

Эх сурвалж: AP