АНУ-ын Ерөнхийлөгчийн санаачилгаар Европын холбооны өндөр түвшний удирдагчид өнөөдөр Вашингтонд уулзалт хийх болсон талаар мэдээлэгдсэн. 

Тэгвэл үйл явц АНУ-ын Ерөнхийлөгч Доналд Трамп Украины Ерөнхийлөгчтэй ганцаарчилсан уулзалт хийснээр өрнөж эхлэхээр байна. Энэ нь хоёр улсын байр суурийг хөндлөнгийн оролцоогүйгээр шууд солилцох, Доналд Трампын санал болгож буй “Дайныг хурдан дуусгах” санал, мөн Володимор Зеленскийгийн “Аюулгүй байдлын баталгаа” гэсэн шаардлагын талаар ярилцах эхний алхам болж байна.

Уулзалтын дараагаар Европын удирдагчид болон НАТО-гийн төлөөлөгчид оролцсон өргөтгөсөн хэлэлцүүлэг явагдана. Хэлэлцүүлгийн үеэр Европын удирдагчид Зеленскийтэй хамтарч ОХУ-ын тавьсан энхийн хэлэлцээний нөхцөлийг хязгаарлах, эсэргүүцсэн нэгдсэн байр суурь илэрхийлэхээр төлөвлөжээ. 

Учир нь Доналд Трамп Оросын талд хэтэрхий их буулт хийж, энэ нь Украины тусгаар тогтнолд томоохон эрсдэл авчирч болзошгүй хэмээн үзэж, Европын тал хэлэлцээрийг өөрсдийн баталгаа, дэмжлэгтэйгээр явуулахыг зорьж байна.