Өнөөдөр 12:54 цагт Архангай аймгийн Их-Тамир сумын нутагт 3.5 магнитудын хүчтэй газар хөдлөлт боллоо. ШУА-ийн Одон орон, геофизикийн хүрээлэнгийн мэдээлснээр, газар хөдлөлтийн төв нь Чулуут сумын төвөөс зүүн урд зүгт 43 км, Булган сумын төвөөс баруун зүгт 51 км, Баянхонгор аймгийн Галуут сумын төвөөс зүүн хойд зүгт 59 км зайд байв.
Магнитуд нь газар доорх хөдөлгөөний төв хэсгийг хэмжих үзүүлэлт бол балл нь газрын дээр мэдрэгдэж буй хүчийг илэрхийлдэг. Гурваас доош магнитудын газар хөдлөлт хүмүүсийн хувьд төдийлөн мэдрэгддэггүй бол долоогоос дээш магнитудын чичирхийлэл том талбай хамарсан сүйрэл дагуулдаг. Энэ удаагийн газар хөдлөлт нь 1–3 баллын хэлбэрээр мэдрэгдэж, барилга дотор аяга таваг ялимгүй хөдөлсөн байх магадлалтай гэж үзэж байна.
Эх сурвалж: ШУА-ийн Одон орон, геофизикийн хүрээлэн
