Хөлбөмбөгчин Криштиану Роналду 2016 оноос хойш хамт амьдарч буй Жоржина Родригест албан ёсоор гэрлэх санал тавьж, 30 каратын очир эрдэнийн шигтгээтэй бөгж бэлэглэжээ. Шинжээчдийн үнэлгээгээр энэ дэгжин гоёлын үнэ ойролцоогоор 5 сая ам.долларт хүрч байгаа аж. Роналдугийн бэлгийг дагаад алдартнуудын хамгийн өндөр үнэтэй хуримын бөгжнүүдийн топ таван жагсаалтыг танилцуулъя.

5-р байр: Орландо Блум, Кэти Перри — 5 сая ам.доллар
2019 онд жүжигчин Орландо Блум дуучин Кэти Перритэй сүй тавьж, голдоо ягаан бадмаарг, эргэн тойронд нь жижиг цагаан чулуугаар шигтгэсэн бөгж бэлэглэсэн. Хосууд энэ зун есөн жил ханилсны дараа салжээ.

4-р байр: Бен Аффлек, Женнифер Лопес — 5 сая ам.доллар
Бен Аффлек Лопест хоёр удаа гэрлэх санал тавьсан бөгөөд эхнийх нь 2002 онд Harry Winston-ны ягаан очир эрдэнийн бөгж байсан бол хорин жилийн дараах саналд 6 каратын ногоон очир эрдэнийн шигтгээтэй бөгж сонгожээ. Энэ жилийн эхээр тэд дахин салсан байна.

3-р байр: Жей Зи, Бейонсе — 5 сая ам.доллар
2008 онд гэрлэсэн хосын хуримын бөгж нь 24 каратын очир эрдэнэ бөгөөд үнэ нь 5 сая ам.доллар. Бейонсе тансаг эдлэлд тийм ч дуртай биш бөгөөд бөгжөө “зүгээр л төмрийн хэлтэрхий” гэж хошигнон хэлдэг.

2-р байр: Канье Уэст, Ким Кардашьян — 8 сая ам.доллар
2013 онд сүй тавихдаа Канье Уэст Кимд 15 каратын очир эрдэнийн бөгж бэлэглэсэн. Гэвч гурван жилийн дараа бөгжийг Парист хулгайд алдсан бөгөөд хос 2022 онд салжээ.

1-р байр: Жеймс Пэкер, Мэрайя Кэри — 10 сая ам.доллар
2016 онд Мэрайя Кэри сүйт хархүү, австралийн тэрбумтан Жеймс Пэкераас 35 каратын очир эрдэнийн бөгж авчээ. Уран дархан Вильфредо Росадо бүтээсэн уг гоёл 10 сая ам.доллароор үнэлэгдсэн байна. Салаад удалгүй Кэри бөгжөө 2 сая ам.доллараар заржээ.

Эх сурвалж: officelife.media