Өнөөдөр буюу 2025 оны наймдугаар сарын 14-ний Пүрэв гарагт Хангай, Хөвсгөл, Хэнтийн уулархаг нутаг болон говийн бүс нутгийн хойд хэсгээр бороо, дуу цахилгаантай аадар бороо орох төлөвтэй байна. Нутгийн баруун хэсгээр баруун хойноос, бусад нутгаар баруун өмнөөс баруун хойш эргэж секундэд 5–10 метр, Алтайн салбар уулс, говийн бүс нутгаар секундэд 12–14 метр хүртэл ширүүсч, борооны өмнө түр зуур хүчтэй салхи шуурга болох магадлалтай. Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Туул, Тэрэлжийн хөндийгөөр 16–21 хэм, говийн өмнөд хэсгээр 29–34 хэм, бусад нутгаар 23–28 хэм дулаан байна.
Хот, бүс нутгийн цаг агаар:
-
Улаанбаатар орчим – Үүлшинэ, дуу цахилгаантай бага зэргийн аадар бороо орно, салхи секундэд 5–10 метр, 19–21 хэм дулаан.
-
Багануур орчим – Үүлшинэ, дуу цахилгаантай аадар бороо орно, салхи секундэд 6–11 метр, 19–21 хэм дулаан.
-
Тэрэлж орчим – Үүлшинэ, дуу цахилгаантай бага зэргийн аадар бороо орно, салхи секундэд 5–10 метр, 16–18 хэм дулаан.
2025 оны наймдугаар сарын 15-наас 19-нийг хүртэлх урьдчилсан төлөв
15-нд говийн аймгуудын зүүн хэсэг, зүүн аймгуудын зарим газраар; 16-нд баруун болон төвийн аймгуудын зарим газраар; 17-нд төвийн аймгуудын зарим газар, зүүн аймгуудын ихэнх нутаг, говийн аймгуудын зүүн хэсгээр; 18-нд баруун аймгуудын баруун хэсэг, зүүн аймгуудын зүүн хэсгээр бороо, дуу цахилгаантай аадар бороо орно. Алтай, Хангай, Хөвсгөл, Хэнтийн уулархаг нутаг болон өндөрлөг газраар шөнөдөө 1–6 хэм, өдөртөө 18–23 хэм, говийн өмнөд хэсгээр шөнөдөө 16–21 хэм, өдөртөө 30–35 хэм, бусад нутгаар шөнөдөө 9–14 хэм, өдөртөө 23–28 хэм дулаан байх төлөвтэй.
Эх сурвалж: Цаг уур орчны шинжилгээний газар
