Баян-Өлгий, Увс, Төвийн зарим хэсэг, Ховд, Завхан, Сэлэнгийн нэг нэг суманд бэлчээрийн ургалт муу байгаа бол Архангай, Говьсүмбэр, Дорнодын нийт нутаг, Говь-Алтай, Хөвсгөл, Дорноговь, Сүхбаатарын ихэнх, мөн Баянхонгор, Өвөрхангай, Төв, Өмнөговь, Хэнтийн зарим, бусад аймгийн цөөн суманд ургалт хэвийн байна. Үлдсэн нутгаар дунд зэрэг байна.
Салхины хурд тал, хээр, говийн нутгаар түр зуур 16–27 м/с хүрсэн нь аюултай үзэгдэлд тооцогдох түвшин бол Говь-Алтайн Бугат, Хэнтийн Гурванбаян, Булганы Гурванбулаг суманд 32–37 м/с хүрч, онц аюултай үзэгдэл бүртгэгджээ.
Өнгөрсөн арав хоногт агаарын температур нийт нутгаар олон жилийн дунджаас 1.1–6.7 градусаар дулаан байсан бөгөөд хур тунадас нийт нутгийн 80 гаруй хувьд дунджийн орчим буюу түүнээс ахиу, харин Увс, Ховд, Завхан, Говь-Алтай, Баянхонгорын зарим, Баян-Өлгий, Өмнөговийн цөөн суманд дунджаас бага орсон байна.
Эх сурвалж: Цаг уур, орчны шинжилгээний газар
