Үүнд, Увс аймгийн Сагил, Хөвсгөл аймгийн Цагааннуур, Улаан-Уул суманд суманд гарсан ойн гурван түймрийг цурамд оруулж, бүрэн унтраахаар, Баян-Өлгий аймгийн Булган суманд гарсан ойн гал түймрийг хяналтад авч, цурамд оруулахаар ажиллаж байгаа юм. Түймрийг унтраах ажиллагаанд Онцгой байдлын байгууллагаас 66 алба хаагч, долоон авто машин, мэргэжлийн ангийн 70 хүн, найман авто машин, нийт 136 хүн, нэг нисдэг тэрэг 15 авто машин, хоёр мотоцикль, 28 морьтой оролцож байна.
Мөн Сэлэнгэ аймгийн Ерөө сумын “Гуртын уулын хойд тал” газар гарсан ойн түймрийг унтраах ажилд оролцсон алба хаагчдыг ОБЕГ-ын Агаараас эрэн хайх, аврах 111 дүгээр ангийн нисдэг тэргээр татан авах ажиллагааг зохион байгуулж байна.
