АНУ-ын нээлттэй теннисний тэмцээний зохион байгуулагчид энэ жилийн нийт шагналын санг 90 сая доллар болгон нэмэгдүүлжээ. Энэ нь тус тэмцээний түүхэн дэх хамгийн том шагналын сан бөгөөд дэлхийн теннисний спортын түүхэнд бүртгэгдсэн хамгийн өндөр үзүүлэлт болж байна.
2024 оны тэмцээнтэй харьцуулахад:
-
Ганцаарчилсан төрөлд түрүүлсэн эрэгтэй, эмэгтэй тамирчид тус бүр 5 сая доллар хүртэх бөгөөд энэ нь өмнөх жилийн 3.6 сая доллароос 39 хувиар өссөн дүн юм.
-
Нийт шагналын сан өмнөх жилийн 75 сая доллараас 20 хувиар өссөн үзүүлэлт болж байна.
Сонирхуулахад, энэ жилийн Уимблдоны тэмцээний нийт шагналын сан 53.5 сая фунт стерлинг (ойролцоогоор 68 сая доллар) байсан бөгөөд аваргууд 3 сая фунт стерлингийн шагнал хүртжээ. Тэгвэл АНУ-ын нээлттэй тэмцээн энэ дүнг хол давсан үзүүлэлттэй байна.
Мөн бусад үзүүлэлтүүд:
-
Эхний тойрогт хасагдсан тоглогчид 110 мянган доллар авах бөгөөд энэ нь 2024 оныхоос 10 хувиар өссөн байна.
-
Эрэгтэй, эмэгтэй хосын төрлийн шагналын сан 4.78 сая доллар болж, өмнөх оноос 23 хувиар өсчээ.
2025 оны АНУ-ын нээлттэй тэмцээн наймдугаар сарын 24-нөөс есдүгээр сарын 7-ны хооронд зохион байгуулагдах бөгөөд энэхүү түүхэн өндөр шагналын сан нь дэлхийн шилдэг тамирчдын анхаарлыг бүрэн татаж байна.
Эх сурвалж: Associated Press
