Фото: «Википедия»
Гданьскийн районд нууц нуувчийг олоод малтлага хийж эхэлжээ. Тэндээс 1945 онд алга болсон цуутай Хуван тасалгааг олох магадлал өндөр гэж мэргэжилтнүүд үзэж байна.
Нацистуудын СС дайчдын нууц туршилтын талбай Гданьскийн ойролцоо байсан гэдгийг эрдэмтэд эртнээс мэдсэн байна. Харин дөнгөж сая тэр талбайн өмнө нь судлагдаагүй байсан газраас томоохон газар доорхи нуувч байгааг олж илрүүлжээ.
Орон нутгийн захиргаа тэнд малтлага зөвшөөрлийг өгсөн ба Түүхэн дурсгалыг хадгалан хамгаалах орон нутгийн албаны төлөөлөгч Марцин Тыминьский «зарим нэг мэдээний дагуу тэнд Хуван танхим байж болох юм» гэжээ.
Немецүүдийн Кенигсбергт (одоогийн— Калининград) зөөсөн Хуван танхим алга болсон нууц нь эрдэмтэд болон бусад эрэлчдийн хувьд том нууц. Тэр нь 1945 онд зөвлөлтийн цэргийн давшилтын үеэр ул мөргүй алга болжээ. Танхимын чимэг алга болсноос хойш түүний ямар нэгэн хэсэг худалдаа буюу хувийн цуглуулгад гарч ирээгүй. Эрдэмтэд болохоор немецүүд түүнийг Гданьск руу зөөн авсан гэж байгаа.
Өнөөдөр Оросын Царская Села-д үзүүлж байгаа танхим нь гэрэл зураг ба дурсамжийн дагуу бүтээгдсэн хуулбар юм.
