Дэлхийд алдартай Christie’s дуудлага худалдааны ордон долоодугаар сарын арван наймнаас хорин есний хооронд Гонконгт сүүлийн зуун жилд бүтээгдсэн хамгийн ховор дарсны цуглуулгыг арилжаална. Худалдаа цахимаар зохион байгуулагдах тул дэлхийн хаанаас ч сонирхсон хүн оролцох боломжтой болж байгаа нь онцлог юм. Энэхүү арга хэмжээнд дэлхийн өнцөг булан бүрийн нэр хүндтэй дарсны үйлдвэрүүдээс эхлээд жижиг үйлдвэрлэгчдийн бүтээл хүртэл өргөн хүрээнд оролцож, Бордо, Бургундаас гадна Австрали, Герман зэрэг орны дарсууд багтсан байна.

Хамгийн онцгой лотуудад Францын алдарт Лафит дарсны 2000 болон 2008 оны оргинал модон хайрцагтай хувилбар, Бордогийн 1920-2000 оны хооронд үйлдвэрлэгдсэн шато дарс, Австралийн 1970–1990 оны онцгой ургацын дарс зэргийг нэрлэжээ. Үүнээс гадна Португалийн хуучны портвейн дарсны тусгайлсан багц ч худалдаанд гарах гэж байна. Ийнхүү дарсны соёлд дурлагчид, цуглуулагчид, хөрөнгө оруулагчдын хувьд онцгой боломж нээгдэж буйг зохион байгуулагчид онцолсон байна.

Эх сурвалж: officelife.media