Долоодугаар сарын гурваны өдрийн байдлаар Сэлэнгэ мөрний дунд болон адаг хэсэг, Хөвсгөлийн уулсаас эх авдаг Шишхэд гол, мөн Хэнтий нурууны баруун хэсгээс тэжээгддэг Хараа, Ерөө зэрэг голуудын усны түвшин өмнөх өдрөөс тавнаас гучин таван сантиметр нэмэгдсэн байна. Тухайлбал, Сэлэнгэ мөрөн Хялгант баг, Зүүнбүрэн сум, Сүхбаатар орчимд олон жилийн дундаж үзүүлэлтээс тавнаас жаран таван сантиметрээр өндөр түвшинд хүрчээ. Харин Ховд гол Мянгад сумын нутагт үерийн түвшинг хорин сантиметрээр давж, элбэг устай байдал хэвээр байна.
Маргааш буюу долоодугаар сарын дөрөвний өдөр Сэлэнгэ мөрний Зүүнбүрэн сум орчимд усны түвшин хорин сантиметр, Сүхбаатар хот орчимд таван сантиметр нэмэгдэх төлөвтэй байгааг Ус цаг уур, орчны шинжилгээний газар анхааруулж байна. Иймд дээрх гол, мөрний эрэг дагуу амьдарч буй иргэд болон аялж, амарч яваа хүмүүс үер усны аюулаас урьдчилан сэргийлж, болзошгүй эрсдэлд өртөхөөс сэрэмжтэй байхыг онцлон сануулж байна.
Эх сурвалж: УЦУОСМХ
