Америкийн SpaceX компани “Transporter 14” хөтөлбөрийн хүрээнд хэдэн арван хиймэл дагуул болон шинжлэх ухааны төхөөрөмжийг “Falcon 9” зөөгч пуужингаар тойрог замд амжилттай гаргалаа. Энэ удаагийн хөөргөлт нь зөвхөн технологийн зориулалттай төхөөрөмжүүдээс гадна хүний ДНХ болон чандар тээвэрлэсэн капсулуудыг орон зайд хүргэснээрээ онцлог байв.
Францын “The Exploration Company”-ийн тусгай төхөөрөмжид нийт 150 орчим хүний ДНХ, чандар багтсан капсулууд байрлуулсан бөгөөд тэдгээр нь дэлхийг хэд хэдэн удаа тойрон ниссэний дараа агаар мандалд нэвтрэн, Номхон далайд зөөлөн газардах хуваарьтай байна. Шатахгүйгээр буух байдлаар зохион бүтээгдсэн эдгээр капсулыг далайгаас гаргаж, дурсгалын зориулалтаар хэрэглэгчдэд нь буцаан хүргэх аж.
Энэхүү хөтөлбөрийн хүрээнд Европын хамгийн залуу хүн сансарт “очсон” түүхэн тохиолдол бүртгэгдлээ. Гурван настай Маттео Барта хүүгийн ДНХ-ийг, сансар судлалд дуртай байсан өвөөгийнх нь чандарын хамт капсулд байрлуулж тойрог замд гаргасан нь энэхүү ховор туршилтыг хүний дурсамж, шинжлэх ухаан хосолсон өвөрмөц хэлбэр болгож байна.
Эх сурвалж: Azertag, SpaceX
