Их Британийн эрх баригчид тактикийн халуун цөмийн “B61-12” бөмбөг тээх боломжтой F-35A загварын 12 сөнөөгч онгоц АНУ-аас авах шийдвэрийг гаргасан талаар тус улсын Ерөнхий сайд Кир Стармер мэдээллээ. Тэрбээр “эрс өөрчлөлтийн энэ үед дэлхийг өмнөх шиг нь хүлээн авч болохгүй” хэмээн тодотгож, өөрийн удирдаж буй засгийн газар үндэсний аюулгүй байдалд бодит хөрөнгө оруулалт хийж буйг онцлов.

Энэхүү шийдвэрийн дагуу АНУ-ын цөмийн зэвсгийг Их Британид дахин байрлуулах төлөвлөгөө анх удаа 2008 оноос хойш хэрэгжих гэж байгаа бөгөөд НАТО-гийн онцгой ажиллагаанд ашиглах зорилготой гэж “The Times” сонин тэмдэглэжээ.

Түүхийн хувьд, Хүйтэн дайны эхэн үед Их Британи цөмийн зэвсэг тээх чадвартай “V” загварын бөмбөгдөгч онгоцууд ашигладаг байсан боловч өнөө үед тус улсын цөмийн тогтоон барих хүчин нь “Trident II” (D5) баллистик пуужингаар зэвсэглэсэн “Vanguard” ангиллын шумбагч онгоцнуудад суурилсан байдлаар хадгалагдаж байна. Одоогоор ийм ангиллын дөрвөн шумбагч онгоц Их Британийн зэвсэгт хүчинд алба хааж байгаа аж.

Эх сурвалж: TASS, The Times