Зургаадугаар сар гарснаас хойш хур тунадас тун бага орж, агаарын хэм өндөр хэвээр байгаагаас шалтгаалан улс орон даяар хуурайшилт нэмэгдэж, ой хээрийн түймрийн эрсдэл эрс өсөөд байна. Өдрийн цаг агаар аагим халуун, салхи ширүүссэн нөхцөлд ганцхан анхааруулга үл тоосон үйлдлээс үүдэн их хэмжээний хохирол дагуулах аюул бий болдог.

Цаг уур, орчны шинжилгээний газраас өгч буй анхааруулгад дурдсанаар, иргэд аялал зугаалга, хөдөө гадаа амралт, агаар салхинд гарахдаа онцгой болгоомжтой байх шаардлагатай. Тухайлбал:

• Шүдэнз, асаагуур зэрэг гал гаргах хэрэгслийг хяналтгүй орхихгүй байх

• Татсан тамхины ишийг бүрэн унтрааж, ил задгай хаяхгүй байх

• Гал түлсэн бол цог, нурмыг бүрэн гүйцэд унтрааж, орчныг шалгаж орхих

• Хуурай өвс, бут зэрэгт галын эх үүсвэрийг ойртуулахгүй байх

Хурц халалт, бага ч гэсэн оч гал ой хээрийн түймэрт хүргэх магадлал өндөр тул хүн бүрийн анхаарал, хариуцлага шаардлагатай байна.

Эх сурвалж: Цаг уур, орчны шинжилгээний газар.