Иран-Израилийн хурцадмал байдал улам гүнзгийрч буй энэ үед АНУ-ын Ерөнхийлөгч Дональд Трамп Иранд цохилт өгөх эсэх шийдвэрийг хоёр долоо хоногийн дотор гаргана гэж Цагаан ордны хэвлэлийн төлөөлөгч Кэролайн Левитт өчигдөр буюу пүрэв гарагт мэдэгдлээ.
“Ирантай ойрын хугацаанд хэлэлцээ хийх боломж үүсч магадгүй, эсвэл огт болохгүй ч байж мэднэ. Үүнийг харгалзан үзээд цохилт өгөх эсэх шийдвэрээ би хоёр долоо хоногийн дотор гаргана” хэмээн Дональд Трамп мэдэгдсэн байна.
Өнгөрсөн мягмар гаргийн орой Трамп Иранд довтлох төлөвлөгөөг баталсан ч, Ираны тал цөмийн хөтөлбөрөөсөө ухрах магадлал бий хэмээн найдаж буй учраас тус төлөвлөгөөг одоо болтол хэрэгжүүлэх тушаал гаргаагүй тухай “The Wall Street Journal” сонин мэдээлжээ.
Эх сурвалжууд: DW, The Wall Street Journal
