Израилийн хамгаалалтын арми (ЦАХАЛ) шөнийн цохилтын үеэр Ираны Зэвсэгт хүчний Жанжин штабын дарга, генерал Али Шадманиг устгасан тухайгаа мэдэгдлээ.

ЦАХАЛ-ын мэдээлэлд дурдсанаар, "Тагнуулын баттай мэдээлэл авсны дараа сөнөөгч онгоцнууд Тегераны төв дэх штабын байранд цохилт өгөн жанжин штабын дарга генерал Али Шадманиг устгалаа. Тэр Ираны удирдагчид их ойр, цэргийн хамгийн өндөр тушаалтан байжээ." Түүнийг Израилийн цэргийн ажиллагааны эхний довтолгооноор өмнөх жанжин штабын дарга Мохаммад Багеерийг хөнөөсний дараа уг албан тушаалд томилсон байсан аж.

Үүний хариуд Ираны Tasnim агентлаг дөрөв дэх өдөр хийсэн пуужингийн довтолгооноор Израилийн Гадаад тагнуулын албаны байранд цохилт өгөн олон тооны өндөр тушаалын офицеруудыг устгасан гэж мэдээлэв.

Түүнчлэн, Ираны агаараас хамгаалах систем Тебриз хотын дээгүүр Израилийн үл үзэгдэгч сөнөөгч F-35 онгоцыг устгалаа гэж Tasnim агентлаг нэмж мэдээлжээ. Ираны талын мэдээгээр энэ нь байлдаан эхэлснээс хойш сөнөөгдсөн дөрөв дэх F-35 онгоц болсон байна.