Улаанбаатар хотын оршин суугчдын аюулгүй байдлыг хангах зорилгоор Туул, Тэрэлж, Хэрлэн гол дагуу хөдөлгөөнт болон завьт эргүүл өчигдрөөс ажиллаж эхэллээ.
Энэхүү эргүүл нь Нийслэлийн Засаг даргын 2025 оны “Гол, усны ослоос урьдчилан сэргийлэх талаар авах зарим арга хэмжээний тухай” захирамжийг хэрэгжүүлэх ажлын хүрээнд зохион байгуулагдаж байна.
Эргүүлийн бүрэлдэхүүн болон хугацаа:
- Нийслэлийн Онцгой байдлын газар, Цагдаагийн удирдах газар, дүүргийн Хүүхэд, гэр бүлийн хөгжлийн хэлтсийн алба хаагчид хамтран ажиллана.
- Тэд Туул, Тэрэлж, Хэрлэн гол дагуу есөн чиглэлд эргүүл хийнэ.
- Эргүүл ирэх есдүгээр сарын 21-ний өдрийг дуустал ажиллах юм.
- Энэ жилээс нэмэлтээр Сэлбэ гол дагуу хөдөлгөөнт эргүүл ажиллаж эхэллээ.
Нийслэлийн хэмжээнд гол, усны ослоос аврах, урьдчилан сэргийлэх зорилгоор завьт болон хөдөлгөөнт эргүүл ажиллаж эхэлснээс хойш 15 дахь жилдээ тасралтгүй хэрэгжиж байгааг албаныхан онцоллоо.
