Малчид, иргэд, тээвэрчдийн анхааралд: Зургаадугаар сарын 19-нд нутгийн баруун хагаст, харин 20-ноос эхлэн ихэнх нутгаар агаарын температур 30 хэмийг давж халах төлөвтэй байгаа тул наршилтаас сэргийлж, эрүүл мэнддээ анхаарал хандуулахыг Цаг Уур Орчны Шинжилгээний Газраас онцгойлон анхааруулж байна.
2025 оны зургаадугаар сарын 18-ны 20 цаг хүртэлх цаг агаарын байдал
Нутгийн өмнөд хэсгээр үүлэрхэг байх бол, бусад нутгаар солигдмол үүлтэй байна. Баруун аймгуудын нутгийн өмнөд, төвийн аймгуудын нутгийн баруун өмнөд, говь болон зүүн аймгуудын нутгийн зарим газраар бороо, дуу цахилгаантай аадар бороо орох төлөвтэй байна.
Салхины хувьд, нутгийн зүүн хэсгээр баруун өмнөөс хойш эргэж, бусад нутгаар баруун хойноос секундэд 6-11 метр хүрч ширүүсэх бол зарим газраар борооны өмнө түр зуур ширүүсэх магадлалтай.
Агаарын хэм:
- 17-22 хэм: Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Байдраг, Эг, Үүр, Туул, Тэрэлж, Хэрлэн голын хөндийгөөр.
- 27-32 хэм: Их нууруудын хотгор, говийн бүс нутгийн өмнөд хэсгээр.
- 21-26 хэм: Бусад нутгаар дулаан байна.
Улаанбаатар хот болон орчмын цаг агаар
- Улаанбаатар хот орчмоор: Багавтар үүлтэй. Бороо орохгүй. Салхи баруун хойноос секундэд 6-11 метр. Өдөртөө 20-22 хэм дулаан байна.
- Багануур орчмоор: Багавтар үүлтэй. Бороо орохгүй. Салхи баруун хойноос секундэд 7-12 метр. Өдөртөө 20-22 хэм дулаан байна.
- Тэрэлж орчмоор: Багавтар үүлтэй. Бороо орохгүй. Салхи баруун хойноос секундэд 5-10 метр. Өдөртөө 18-20 хэм дулаан байна.
2025 оны зургаадугаар сарын 19-нөөс хойших цаг агаарын урьдчилсан төлөв
Зургаадугаар сарын 19-нд Алтайн уулархаг нутаг, Халх голын хөндийгөөр, 20, 21-нд Алтай, Хангайн уулархаг нутаг, Халх голын хөндийгөөр, 22-нд Хангай, Хөвсгөлийн уулархаг нутгаар бороо, дуу цахилгаантай аадар бороо орно. Салхи ихэнх хугацаанд секундэд 5-10 метр хүрч, зарим газраар борооны өмнө түр зуур ширүүснэ.
Агаарын хэм:
- 19-нд нутгийн баруун хагаст, 20-ноос нийт нутгаар халж:
- Шөнөдөө 6-11 хэм, өдөртөө 21-26 хэм: Дархадын хотгор, Монгол-Алтайн уулархаг нутаг, Завхан голын эх, Хүрэнбэлчир орчим, Тэрэлж, Онон, Улз, Халх голын хөндий, Дарьгангын тал нутгаар.
- Шөнөдөө 19-24 хэм, өдөртөө 33-38 хэм: Их нууруудын хотгор, говийн бүс нутгийн өмнөд хэсэг, Орхон-Сэлэнгийн сав газраар.
- Шөнөдөө 13-18 хэм, өдөртөө 27-32 хэм: Бусад нутгаар дулаан байна.
Эх сурвалж: Цаг Уур Орчны Шинжилгээний Газар
