Өнөөдөр 20 цаг хүртэл нутгийн төв хэсгээр үүлэрхэг, бусад нутгаар солигдмол үүлтэй цаг агаар зонхилно. Төвийн аймгуудын ихэнх нутгаар бороо орох бол говь болон зүүн аймгуудын зарим газарт түр зуурын бороо орно. Харин баруун болон бусад нутгаар бороо орохгүй, тогтуун байхаар байна.

Салхины хувьд нутгийн зүүн өмнөд хэсгээр баруун өмнөөс хойш эргэнэ. Бусад нутгаар баруун хойноос секундэд 7–12 метр хүрэх бөгөөд зарим газраар бороо орохын өмнө түр зуур ширүүсэх төлөвтэй байна.

Агаарын температурын хувьд:

• Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэрэлжийн хөндийгөөр +12–+17 градус,

• Хэнтийн уулархаг нутаг, Орхон-Сэлэнгийн сав газар, Эг, Үүр, Хараа, Ерөө, Туул, Хэрлэн, Онон, Улз голын хөндий, говийн бүс нутгийн хойд хэсгээр +16–+21 градус,

• Их нууруудын хотгор болон говийн бүс нутгийн өмнөд хэсгээр +26–+31 градус,

• Бусад нутгаар +20–+25 градус дулаан байна.

Маргааш буюу 14-нд нутгийн төв хэсгээр, 15-нд зүүн хэсгээр бороо орох төлөвтэй бөгөөд дараагийн өдрүүдэд ч сэрүүхэн, бороотой байдал үргэлжлэх төлөвтэй байна.

Эх сурвалж: ЦУОШГ