Цаг уурын байгууллагаас гаргасан улирлын ерөнхий төлөвөөр ирэх долоодугаар болон наймдугаар сард Монгол орны нийт нутгаар агаарын дундаж температур олон жилийн дунджаас дулаан байх төлөвтэй байна. Харин хур тунадасны хувьд баруун аймгуудын нутгаар бага, хуурай байх бол говь болон төвийн аймгуудын нутгаар олон жилийн дунджаас ахиу хур тунадас орох таамаг гарчээ.

Долоодугаар сар:

• Агаарын температур: Нийт нутгаар олон жилийн дунджаас дулаан

• Хур тунадас:

  • Баян-Өлгий, Ховд, Увс, Говь-Алтайн баруун хэсэг – дунджаас бага

  • Өмнөговь, Дундговь, Өвөрхангай, Баянхонгорын зүүн, Төвийн өмнөд, Дорноговь – дунджаас ахиу

  • Бусад нутгаар – дунджийн орчим

Наймдугаар сар:

• Агаарын температур: Нийт нутгаар олон жилийн дунджаас дулаан

• Хур тунадас:

  • Өмнөговь, Дорноговийн ихэнх хэсэг – дунджаас ахиу

  • Бусад нутгаар – дунджийн орчим

Есдүгээр сар:

• Агаарын температур, хур тунадас: Нийт нутгаар дунджийн орчим

Түүнчлэн, зуны саруудад говь болон төвийн бүс нутгаар хур тунадас ахиу орох төлөвтэй байгаа тул гэнэтийн аадар бороо, үер усны аюул, гол мөрний усны түвшин нэмэгдэх зэрэг болзошгүй эрсдэлээс урьдчилан сэргийлэхийг холбогдох байгууллагаас анхааруулж байна.

Эх сурвалж: Цаг уур, орчны шинжилгээний газар