Цаг Уур, Орчны Шинжилгээний Газрын мэдээлснээр зургаадугаар сарын эхний арав хоногт ихэнх нутгаар дулаан, харин хойд хэсгээр зарим өдөр сэрүүсэх төлөвтэй байна. Салхи зарим үед ширүүсэх бөгөөд борооны давтамж сүүлийн өдрүүдэд нэмэгдэх хандлагатай байна.

Улсын хэмжээнд зургаадугаар сарын 4, 9, 10-ны өдрүүдэд хойд нутгаар сэрүүхэн байх бол бусад үед нийт нутгаар дулаан хэвээр байна. Хур тунадасны хувьд 3-10-ны өдрүүдэд үе үе бороо орно. Тухайлбал:

• 3-нд Алтай, Хөвсгөл, Хэнтийн уулархаг болон Халх голын сав газраар

• 4-нд баруун, төв, зүүн аймгуудын зарим хэсгээр

• 5-6-нд баруун болон төвийн аймгууд, мөн зүүн аймгийн зүүн хэсгээр

• 7-8-нд баруун, төвийн нутгаар

• 9-10-нд төв болон зүүн аймгуудын нутгийн зарим хэсгээр бороо, уулаараа нойтон цас орно

Салхины хувьд ихэнх хугацаанд секундэд 5-10 метр байх боловч 3, 4-нд говь, тал хээрийн нутгаар 15-17 м/с хүрч ширүүсэхээр байна.

Агаарын температур бүс нутгаар ялгаатай байх бөгөөд:

• Уулархаг нутгаар шөнөдөө 1-6 хэм, өдөртөө 19-24 хэм

• Говийн өмнөд хэсэгт шөнөдөө 10-15 хэм, өдөртөө 29-34 хэм

• Говийн хойд болон их нууруудын хотгороор шөнөдөө 7-12 хэм, өдөртөө 25-30 хэм

• Бусад нутгаар шөнөдөө 3-8 хэм, өдөртөө 20-25 хэм дулаан байх юм.

Улаанбаатар хот орчмын цаг агаарын төлөв

Хот орчмоор зургаадугаар сарын 4, 7-нд бага зэргийн бороо орох бөгөөд салхи 4, 7-ны өдрүүдэд секундэд 12-14 метр хүрч ширүүснэ. Хугацааны туршид ихэнх өдөртөө 20-25 хэмийн дулаан, харин 4, 9, 10-нд сэрүүсч өдөртөө 14-19 хэм, шөнөдөө 1 хэмийн хүйтнээс 4 хэмийн дулаан байна.

Эх сурвалж: Цаг Уур, Орчны Шинжилгээний Газар