Өнөөдөр буюу тавдугаар сарын 29-нд ихэнх нутгаар 08:00-20:00 цагийн хооронд үүлшинэ. Увс нуурын хотгор, Хангай, Хөвсгөлийн уулархаг бүс нутгаар, мөн Тэс голын хөндий, говийн зүүн өмнөд хэсгээр бороо орж, өндөрлөг газраар нойтон цас орох төлөвтэй байна. Харин бусад нутгаар хур тунадас орохгүй.

Салхи нутгийн баруун хойд хэсгээр баруун өмнөөс хойш эргэж, зүүн хэсгээр баруун хойноос, бусад нутгаар баруун өмнөөс 8–13 метрийн хурдтай байх бөгөөд баруун бүсэд түр зуур 18–20 метр хүрч ширүүсэж, шороон шуурга шуурах төлөвтэй байна.

Агаарын температурын хувьд:

• Монгол-Алтай, Хангай, Хөвсгөлийн уулархаг нутгаар +9–+14 градус,

• Хэнтийн уулархаг нутаг болон Туул, Тэрэлж, Хэрлэн голын хөндийгөөр +16–+21 градус,

• Говийн зүүн хэсэг болон Дорнод, Дарьгангын тал нутгаар +23–+28 градус,

• Бусад нутгаар +20–+25 градус дулаан байна.

Цаг уур, орчны шинжилгээний газраас нутгийн баруун хагаст хүчтэй салхи, шуургатай, зүүн хагаст сэрүүн байгааг анхааруулж, иргэдийг цаг агаарын нөхцөлд тохируулан зохицуулалттай зорчихыг зөвлөж байна.

Эх сурвалж: ЦУОШГ