Цаг уур, орчны шинжилгээний газраас мэдээлснээр өнөөдөр буюу 2025 оны тавдугаар сарын 28-нд нутгийн баруун хагаст хүчтэй салхи, шороон шуургатай байхыг малчид, тээвэрчид, иргэдэд анхааруулж байна.

Өнөөдрийн 08:00–20:00 цагийн хооронд Увс нуурын хотгор, Хангай, Хөвсгөлийн уулархаг нутгууд, Тэс голын хөндий болон говийн бүс нутгийн зүүн өмнөд хэсгээр бороо, уулаараа нойтон цас орно. Бусад нутгаар бороо орохгүй. Салхи зүүн нутгаар баруун хойноос, баруун хэсгээр баруун өмнөөс хойш эргэж, нийт нутгаар секундэд 8-13 метр, баруун бүсэд түр зуур 18-20 метр хүрч ширүүснэ. Үүнтэй холбоотойгоор шороон шуурга шуурах нөхцөл бүрджээ.

Агаарын хэм зүүн нутгаар бага зэрэг сэрүүсэх бөгөөд:

• Монгол-Алтай, Хангай, Хөвсгөлийн уулархаг нутгаар 9–14 хэм

• Хэнтийн уулархаг нутаг, Туул, Тэрэлж, Хэрлэн голын хөндийгөөр 16–21 хэм

• Говийн зүүн хэсэг, Дорнод, Дарьгангын тал нутгаар 23–28 хэм

• Бусад нутгаар 20–25 хэм дулаан байна.

Улаанбаатар хот орчимд багавтар үүлтэй, бороо орохгүй. Салхи баруун өмнөөс секундэд 7–12 метр, өдөртөө 20–22 хэм дулаан байна.
Багануурт 19–21 хэм, Тэрэлжид 18–20 хэм дулаан байна.

Тавдугаар сарын 30-наас зургадугаар сарын 03-ныг хүртэлх цаг агаарын төлөв

• 5 сарын 30-нд төвийн аймгуудын хойд, говийн зүүн өмнөд, зүүн аймгуудын өмнөд хэсгээр бороо, уулархаг газраар нойтон цас орно.

• 31-нд Хангай, Хөвсгөлийн уулархаг нутгаар,

• 6-р сарын 1-нд төв болон зүүн аймгуудын зарим газраар,

• 2-нд төв болон зүүн, говийн аймгуудын зүүн хэсгээр бороо орно.

Салхи 30, 6-р сарын 1-нд зарим газраар, 2-нд тал хээрийн нутгаар секундэд 16–18 метр хүртэл ширүүсэж шороон шуургатай байна.

Агаарын хэм:

• Уулархаг болон голын хөндийн нутгаар шөнөдөө -3–+2 хэм, өдөртөө 9–14 хэм

• Говийн өмнөд хэсгээр шөнөдөө 7–12 хэм, өдөртөө 20–25 хэм

• Бусад нутгаар шөнөдөө 1–6 хэм, өдөртөө 15–20 хэм дулаан байх төлөвтэй байна.

Эх сурвалж: Цаг уур, орчны шинжилгээний газар