Өнөөдөр баруун нутгийн ихэнх хэсгээр 08:00-20:00 цагийн хооронд үүлшинэ. Харин бусад нутгаар солигдмол үүлтэй, бороо орох магадлал бага байна. Гэсэн ч баруун аймгуудын зарим нутгаар болон төвийн аймгуудын баруун хэсгээр аадар бороо, дуу цахилгаантай бороо орох төлөвтэй байна.

Ялангуяа Баян-Өлгий, Ховдын хойд хэсэг, Говь-Алтайн баруун, Арц-Богдын өвөр хоолой орчимд салхи секундэд 18-20 метр, зарим үед 24 метр хүрч ширүүсэх бөгөөд шороон шуурга шуурах нөхцөл бүрджээ.

Агаарын температурын хувьд:

• Монгол-Алтайн уулархаг нутгаар +9...+14 градус,

• Их нууруудын хотгор, Алтай, Хангай, Хөвсгөлийн уулархаг нутаг болон Идэр, Тэсийн хөндийгөөр +16...+21 градус,

• Орхон-Сэлэнгийн сав газар, говь болон талын нутгаар +30...+35 градус,

• Бусад нутгаар +26...+31 градусын дулаан байх төлөвтэй байна.

Цаг уурын байгууллагаас анхааруулснаар, маргааш буюу тавдугаар сарын 28-ны өдөр баруун болон төвийн аймгуудын хойд хэсгээр бороо, нойтон цас орж, эрс сэрүүсэх төлөвтэй байна. Үүнтэй зэрэгцэн ихэнх нутгаар салхи ширүүсч, хүчтэй шуургатай байхыг Цаг уур, орчны шинжилгээний газраас анхааруулж байна.

Эх сурвалж: Цаг уур, орчны шинжилгээний газар