Балетын хөгжлийн түлхүүр болсон олон улсын чанартай уралдаан тэмцээнийг эх орондоо нутагшуулах, Монголын бүжигчдэд эх орондоо ур чадвараа дэлхийн хэмжээнд сорих боломжийг олгох, үеэс үед гайхагдах монгол авьяасыг олж нээх, Олон улсын балетын салбарын төлөөлөгчдийн хамтын ажиллагаа, харилцаа холбоог бэхжүүлэх ач холбогдолтой "Mongolian grand Prix" балетын уралдаан 2025 оны тавдугаар сарын 21, 22-ны өдрүүдэд зохион байгуулагдлаа. 

Уралдааны "Шилдгээр" шалгарч, амжилт үзүүлсэн шагналтнуудын "Балетын гала тоглолт" маргааш буюу тавдугаар сарын 24-ний 17:00 цагаас УДБЭТ-ын тайзнаа тоглогдох гэж байна.

Улсын дуурь, бүжгийн эрдмийн театр (УДБЭТ) "Mongolian grand Prix" балетын анхдугаар уралдааныг 2022 оноос эхлэн зохион байгуулж ирсэн бол энэ онд хүрээгээ тэлж, балетын урлагийг хөгжүүлэх, дэлхийн жишигт хүргэх, балетын боловсон хүчнийг багаас нь бэлтгэх зорилгоор “Балетын фестиваль”-ийг тавдугаар сараас ирэх намар хүртэл зохион байгуулахаар төлөвлөөд байгаа юм.

"Гала тоглолт"-ын хөтөлбөрөөс
 

Л.Минкус, "Дон Кихот" Па Де Де - М.Тэргэл, Б.Дөлгөөн 

Ж.Чулуун, "Уран Хас" Адажио кода - Э.Уянга, Х.Галтулга 

П.И Чайковский, "Хунт нуур" Цагаан хунгийн Адажио - Б.Марал, Б.Ананд

П.И Чайковский, "Хунт нуур" вариац - Хонг ШаоШүэй