2025 оны тавдугаар сарын 22-ны Пүрэв гарагт баруун болон говийн аймгуудын нутгийн өмнөд хэсгээр бороо орж, сэрүүхэн байхаар байна. Малчид, тээвэрчид, аялал зугаалгаар явах иргэд гэнэтийн сэрүүсэл, хур тунадастай нөхцөлд тохируулан хувцаслах, аюулгүй байдлаа хангах шаардлагатайг анхааруулж байна.

Өдөртөө нутгийн өмнөд хэсгээр үүлэрхэг, бусад нутгаар багавтар үүлтэй. Баруун аймгуудын зарим газар, говийн аймгуудын өмнөд хэсгээр бороо, уулархаг нутгаар нойтон цас орно. Бусад нутгаар бороо орохгүй. Салхи нийт нутгаар зүүн хойноос секундэд 6-11 метр хүчтэй үлээнэ.

Агаарын температур дараах байдалтай байна:

• Говь-Алтайн уулархаг нутгаар 6–11 хэм

• Хангай, Идэр, говийн өмнөд хэсгээр 11–16 хэм

• Увс нуур, Орхон-Сэлэнгийн сав газар, Эг, Үүр голын хөндийгөөр 21–26 хэм

• Бусад нутгаар 17–22 хэм дулаан байна.

Улаанбаатар хот орчмоор үүл багасаж, бороо орохгүй. Салхи зүүн хойноос секундэд 5-10 метр, өдөртөө 19-21 хэм дулаан байна.
Багануур, Тэрэлж орчимд мөн бороо орохгүй, салхи тогтуун, өдөртөө 17-21 хэм дулаан байна.

Тавдугаар сарын 23-наас 27-ныг хүртэлх урьдчилсан төлөв
Энэ хугацаанд Алтай, Хангай, Хөвсгөл, Хэнтийн уулархаг нутаг болон говийн бүс нутгийн баруун өмнөд хэсгээр үе үе бороо, уулархаг газраар нойтон цас орох төлөвтэй. Салхи ихэнх хугацаанд баруунаас секундэд 6-11 метр байна.

Цаг агаар эрс тэнгэршиж, температурын хэлбэлзэл ихсэх учраас хөдөө орон нутагт ажиллаж, амарч яваа иргэд, ялангуяа малчид цаг агаарын мэдээг тогтмол хянаж, сэрэмжтэй байхыг онцгойлон сануулж байна.

Эх сурвалж: Цаг уур, орчны шинжилгээний газар