Малчид, иргэд, тээвэрчдийн анхааралд: 2025 оны тавдугаар сарын 15-16-ны өдрүүдэд Хангайн уулархаг нутгаар нойтон цас орж, зарим газраар салхи шуургатай байх тул цаг агаарын нөхцөл байдлыг сайтар анхаарч, замын хөдөлгөөн, малаа бэлчээрлэх, галаа зөв ашиглахад онцгойлон анхаарахыг зөвлөж байна.

Тавдугаар сарын 15-ны Пүрэв гарагт ихэнх нутгаар солигдмол үүлтэй байх бөгөөд баруун, төв, говийн аймгуудын зарим хэсгээр бороо, нойтон цас орох төлөвтэй. Тухайлбал, баруун болон төвийн аймгуудын баруун, өмнөд хэсэг, мөн говийн хойд нутгаар хур тунадас орох бол бусад нутгаар бороо орохгүй. Салхи нутгийн өмнөд хэсгээр секундэд 15-17 метр хүрч ширүүсэх тул шороон шуурга үүсэх эрсдэлтэй байна.

Агаарын температурын хувьд Хангай, Хөвсгөл, Хэнтийн уулархаг нутгаар 6-11 хэм, говийн бүсийн өмнөд хэсгээр 26-31 хэм, бусад нутгаар 17-22 хэм дулаан байх бөгөөд нутгийн хойд хэсгээр сэрүүсэл ажиглагдана.

Улаанбаатар хот орчимд үүлшинэ, орой бага зэргийн бороо орж, салхи баруун өмнөөс зүүн хойш эргэн секундэд 6-11 метр үлээнэ. Агаарын температур 9-11 хэм дулаан байх бол Багануурт шороон шуургатайгаар 9-11 хэм, Тэрэлж орчимд 7-9 хэм байна.

Мөн тавдугаар сарын 16-20-ны хооронд Алтай, Хангай, Хөвсгөл, Хэнтийн уулархаг нутгаар, говь болон зүүн аймгуудын зарим хэсэгт бороо, нойтон цас орох төлөвтэй. Энэ үеэр салхи зарим нутгаар секундэд 18-20 метр хүртэл ширүүсч, шороон шуурга шуурах магадлалтай байна. Шөнөдөө Дархадын хотгор, уулархаг нутгаар 3-8 хэм хүйтэн, өдөртөө 7-12 хэм, бусад нутгаар өдөр шөнөдөө эрс тэс ялгаатай температур үргэлжилнэ.

Эх сурвалж: Цаг уур, орчны шинжилгээний газар