Цаг уур, орчны шинжилгээний газраас мэдээлснээр өнөөдөр буюу тавдугаар сарын 14-нд ихэнх нутгаар 08:00-20:00 цагийн хооронд солигдмол үүлтэй байх төлөвтэй байна. Баруун аймгуудын нутгийн хойд хэсэг, төвийн аймгуудын зарим газраар бороо орно. Харин бусад нутгаар хур тунадас орохгүй.

Салхи нутгийн баруун хойд хэсгээр баруун өмнөөс хойш эргэх бөгөөд бусад нутгаар баруун өмнөөс секундэд 6-11 метр, зарим газраар секундэд 14-16 метр хүрч ширүүсэхийг анхааруулжээ.

Агаарын температурын хувьд:

• Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Тэс голын хөндийгөөр +9-ээс +14 градус,

• Монгол-Алтай, Хэнтийн уулархаг нутаг болон томоохон голын хөндийгөөр +14-ээс +19 градус,

• Их нууруудын хотгор болон говийн өмнөд хэсгээр +25-ээс +30 градус,

• Бусад нутгаар +20-оос +25 градус дулаан байна.

Мөн энэ сарын 15-16-ны өдрүүдэд Хангайн уулархаг нутгаар бороо, цас орж, нутгийн өмнөд хэсгээр салхи шуургатай байхыг ЦУОШГ-аас онцгойлон анхааруулж байна.

Эх сурвалж: ЦУОШГ