Цаг уурын байгууллагаас өгч буй мэдээгээр 2025 оны тавдугаар сарын 09, 10-ны өдрүүдэд ихэнх нутгаар дулаарч, хуурайшилт эрс нэмэгдэх төлөвтэй байгаа тул малчид, тээвэрчид болон иргэдийг ой, хээрийн түймрээс урьдчилан сэргийлж, сонор сэрэмжтэй байхыг анхааруулж байна.

2025.05.08-ны өдөр (08:00–20:00):

• Хур тунадас:
  Говийн аймгуудын өмнөд, зүүн аймгуудын зүүн хэсгээр бороо, нойтон цас орно. Бусад нутгаар хур тунадас орохгүй, багавтар үүлтэй байна.

• Салхи:
  Говь, тал хээрийн нутгаар секундэд 13-15 метр хүрч ширүүсч, шороон шуурга шуурна. Бусад нутгаар секундэд 5-10 метр.

• Агаарын температур:

  • Уулархаг нутгаар 5–10 хэм,

  • Говийн баруун өмнөд хэсгээр 18–23 хэм,

  • Бусад нутгаар 12–17 хэм дулаан.

• Улаанбаатар хот орчим:
  Бороо орохгүй. Салхи зүүн хойноос секундэд 5-10 метр. 13–15 хэм дулаан.

2025.05.09–13-ны өдрүүдийн урьдчилсан төлөв:

• Тунадас:

  • 11-нд Алтай, Хангай, Хөвсгөл, Хэнтийн уулархаг нутгаар,

  • 12-нд баруун болон төвийн аймгуудын зарим газраар бороо, нойтон цас орно.

  • Бусад хугацаанд хур тунадас орохгүй.

• Салхи:

  • 11-нд Алтайн уулархаг нутгаар,

  • 12-нд зарим газраар секундэд 14–16 метр хүрч ширүүснэ.

• Температурын төлөв:

  • Дархад, Хангай, Хөвсгөлийн уулархаг нутгаар:
    Шөнөдөө 0–5 хэм хүйтэн, өдөртөө 9–14 хэм дулаан.

  • Хөндий, голын сав газруудад:
    Шөнөдөө 1 хэм хүйтнээс 4 хэм дулаан, өдөртөө 14–19 хэм.

  • Говийн нутгаар:
    Шөнөдөө 9–14 хэм, өдөртөө 25–30 хэм.

  • Бусад нутгаар:
    Шөнөдөө 3–8 хэм, өдөртөө 19–24 хэм.

  • 12-ны өдөр нутгийн хойд хэсгээр сэрүүсэх төлөвтэй байна.

Эх сурвалж: Цаг Уур Орчны Шинжилгээний Газар